ملفي، وملفّات الآخرين
تبويب «ملفي» صفحتك إنت؛ وصفحة أي شخص بتجمع منشوراته ونبذته وزرّ «متابعة» — و«راسل» بيطلع بس إذا كانت المتابعة متبادلة.
آخر مراجعة على التطبيق:
ملفي
بيبلّش ملفك بالغلاف، وصورتك على حرفه، ومقابلها لوحة عدّاديك: متابعينك ومين بتتابع — اكبس أي منهن بتنفتح القائمة بأسمائها. وتحتها اسمك ومعرّفك ونبذتك ومدينتك وتاريخ عضويتك، وبعدها زرّين: «عدّل الملف» و«شارك الملف». واللي نشرته بيصطفّ بآخر الصفحة.
زرّ «عدّل الملف» بيفتح صفحة فيها قسمين — «اللي الناس بتشوفه» فيه اسمك ونبذتك، و«إلك لحالك» فيه مدينتك واهتماماتك وتاريخ ميلادك والجنس. و«شارك الملف» بيبعت رابط صفحتك لمين بدك ولو ما كان على دلعونا بعد. وبأعلى الصفحة رمز المرجعية بيفتح محفوظاتك، ورمز الترس بيفوّتك على إعدادات حسابك كلها.
ملفّات الآخرين
بتوصل لملف أي حدا بكبسة على اسمه أو صورته — بمنشور أو تعليق أو نتيجة بحث. زرّ «متابعة» بيضمّ منشوراته لعدستك، و«راسل» بيطلع جنبه بس لما يتابع كل واحد فيكن التاني. وبزرّ الخيارات فوق الصفحة: «شارك الملف»، و«انسخ المعرّف»، و«كتم»، و«احظر».