قوائم وجداول
قوائم لمهامك ومشترياتك، وجداول لللي أكبر من قائمة — محفوظة بحسابك وبتتبعك بين أجهزتك.
آخر مراجعة على التطبيق:
قوائم
قوائم أبسط شي بـ«المنصّة» وأكتر شي بينستعمل: قائمة لسوق الخضرة، وتانية لأغراض البيت، وثالثة لأفكار ما بدك تنساها. بتنحفظ بحسابك مو بموبايلك لحاله، فبتفتحها من جهاز تاني وبتلاقيها مثل ما تركتها.
- افتح «قوائم» من قسم «المنصّة» — بتحتاج تسجيل دخول لأنها بتنحفظ بحسابك.
- اكبس «اعمل قائمة» وسمّيها، واكتب بالحقل «أضف عنصر…» وبعدها «أضف».
- اكبس العنصر فبيصير منجَز؛ وبطاقة القائمة بالرئيسية بتعرض «3/5 مكتمل».
- ومن قائمة النقاط الثلاث: «غيّر الاسم»، أو «شارك القائمة» فبتطلع نصّ بتبعته بأي محادثة، أو «احذف القائمة».
جداول
جداول لللي أكبر من قائمة: مصاريف الشهر، ومخزون الدكان، وجهات اتصال، ومهام فريق. والفرق إنّ كل عمود هون إله نوع، فالجدول بيفهم شو فيه: عمود «رقم» بينجمعلك بأسفل الجدول، وعمود «تاريخ» بينرتّب زمنياً وبينفلتر بـ«قبل» و«بعد»، وعمود «خانة اختيار» بيعدّ المحدَّد، وعمود «صيغة» بيحسب من أعمدة تانية.
- افتح «جداول» واكبس + بالأعلى.
- اختار قالب جاهز — مصاريف أو مهام أو جهات اتصال أو مخزون — أو «جدول فارغ»، أو «جيب من ملفّ» حتى تبلّش من csv أو Excel عندك.
- من قائمة الجدول اختار «الأعمدة» حتى تضيف عمود وتحدّد نوعه.
- اكبس «أضف صف» واملا الحقول؛ وفوق الجدول حقل بحث وزرّين للفلاتر والترتيب.
- ومن القائمة كمان: «مشاركة» مع شخص بمعرّفه، أو «تصدير الجدول» بصيغة CSV أو Excel أو JSON.
مثال
جدول مصاريف البيت — «البند» نصّ، و«المبلغ» رقم، و«التاريخ» تاريخ، و«الفئة» قائمة اختيار، و«مدفوع» خانة. وبآخر الشهر بتشوف المجموع أسفل عمود المبلغ، وبتصفّي «طعام» لحالها بكبستين.